Транспорт: Аеродромскиот сообраќај го опслужува Барселона аеродромот кој се наоѓа на 17км од центарот на градот. Тој е вториот по големина аеродром во Шпанија, а најголем на медитеранскиот брег. До градот и обратно можете да стигнете со такси, автобус и воз.
Локалниот транспорт во Барселона е одлично организиран. Системот на подземната железница е чист и климатизиран, што е особено важно во летниот период, и ќе ве однесе до сите поважни места кои треба да ги посетите. Автобускиот превоз на сите маршрути се одвива на неколку минути од 5 часот изутрина до 23 часот навечер. Такси превозот за околу 3км ќе ве чини од 8 - 10 евра, а такси возило можете да повикате по телефон или да го застанете на улица.
Клима, временска зона: Барселона е дестинација која е атрактивна во текот на целата година, но сепак пожелно е претходно да ја проверите временската прогноза. Најдобро е да го посетите овој град во средината на јуни или во септември. Ако, пак, плажата не ви е приоритет, временските услови во јануари и февруари ќе ви бидат идеални.
Временската зона е UTC/GMT + 1час.
Валута: како и во другите земји кои се членки на Европската унија, така и во Шпанија официјалната валута е еврото. Картичките како Visa, MasterCard, Maestro и Cirrus се ширко прифатени во целата земја.
Совет: Како туристи особено бидете претпазливи со вашите паричници и чанти на местата како што се центарот на градот, во јавниот превоз и околу поважните места за посета.
